Kryetari i Shoqatës “Çamëria” Abaz Hado, paraqiti programin e PDIU-së për Çështjen Çame, ku spikat iniciativa për miratimin e një Rezolute për Çështjen e Çamërisë, në Parlamentin Europian. Janë disa pika, mbi të cilat mbështet e aksioni i PDIU-së për zgjidhjen e Çështjes së Çamërisë, të cilat i nëri me dije kreu i shoqatës “Çamëria”, në të njëjtën kohë nënkryetari i PDIU, në konferencën për programin elektoral të kësaj force politike.
Abaz Hado:
Çështja Çame ka marrë një dimension të ri. Tashmë Çështja Çame është agjendë jo vetëm kombëtare, por edhe ndërkombëtare. Ja disa pika, mbi të cilat mbështet programi ynë:
Komision hetimor për të faktuar historinë tragjike të popullsisë së Çamërisë.
Propozim për një Rezolutë për Çështjen Çame në Parlamentin Europian dhe në Kongresin Amerikan.
Mbledhje e të gjitha të dhënave dhe dëshmive nga shqiptarët e Çamërisë, të dëbuar nga trojet e tyre, të cilët janë ende gjallë, për të krijuar bazën e nevojshme për ndjekjen e rrugës ligjore.
Koordinimi me grupet e tjera të popullsisë në Greqi që kanë pasur fat të ngjashëm me shqiptarët e Çamërisë, si hebrenjtë, maqedonasit e të tjerë.
Ngritja e pavionit të Çamërisë në Muzeun Historik Kombëtar.
