Shefja e Politikës së Jashtme të BE-së përsërit thirrjen: Debati politik të bëhet brenda parlamentit
Zyrtarja e lartë e Bashkimit Evropian, Federica Mogherini, i ka bërë sërish thirrje PD-së, të ndalë bojkotin dhe të bëhet pjesë e zgjedhjeve të 18 qershorit. Përmes një deklaratë referuar krizës politike në Shqipëri, Mogherini thekson se PD duhet të kthehet në parlament atje ku zhvillohen debatet politike.
Thirrja e diplomates së lartë të BE-së, vjen dy ditë para mbërritjes në Shqipëri të delegacionit të BE-së, për zgjidhjen e krizës politike në Tiranë. Ditën e hënë pritet të mbërrijë në Tiranë, zvpresidenti i PPE-së, David Mc Allister, bashkë me zyrtarë të tjerë të Brukselit, për të ndihmuar në zgjidhjen krizës politike në Tiranë. Prej dy muajsh, opozita është ngujuar në çadër dhe refuzon të hyjë në zgjedhje, pasi kërkon qeveri teknike, kërkesë e cila mohohet kategorikisht nga kryeministri Rama.
