Në një kohë kur pritet që gjykata e Colmarit në Francë pritet që më 6 prill të marrë vendimin për ish-kryeministrin e vendit, Ramush Haradinaj, Aleanca për Ardhmërinë e Kosovës shprehet e bindur se lideri i tyre do të kthehet në Kosovë.
Kreu i Grupit Parlamentar të AAK-së, Pal Lekaj tha se Serbia nuk do të “shërohet” asnjëherë nga fakti se Haradinaj ka qenë njëri ndër “shkaktarët” kryesor që bashkë me aleatët ndërkombëtarë ka arritur që ta largojnë Kosovën nga sundimi dhe nënshtrimi i Serbisë.
Pal Lekaj shtoi se autoritetet franceze kanë pas “kohën e dynjasë” për t’u marrë me shqyrtimin e shkarravinave të Serbisë dhe tanimë është momenti që kjo maskaradë të marrë epilogun e saj dhe Ramushi përfundimisht t’i kthehet Kosovës i lirë e pa asnjë kusht.
