Komisioni Qendror i Zgjedhjeve vendosi me 7 vota pro që t’i japë mandatin e deputetit kandidatit të LSI-së në Qarkun e Lezhës, Petrit Gjonit.
Kandidati për deputet në listën e Partisë Socialiste në Qarkun e Lezhës, Kastriot Piroli i cili do të duhej që të zëvendësonte deputetin e larguar Armando Prenga, u dorëhoq duke ia lënë vendin kandidatit të radhës në listën e Lëvizjes Socialiste për Integrim, Petrit Gjonit.
Komisioni Qendror i Zgjedhjeve vendosi mozgjedhshmërinë si deputet në Kuvendin e Shqipërisë të kandidatit të radhës në listën shumemërore të PS-së, Qarku Lezhë, Kastriot Filip Piroli. Sipas vendimit të KQZ-së, dorëheqja nga kandidati Piroli vjen për shkak se ai nuk ka plotësuar formularin e dekriminalizimit.
