Kryetari i PD, Lulzim Basha i bëri thirrje ministrit të ri të Brendshëm të emëruar Fatmir Xhafajt se duhet të tërhiqet dhe se nuk do të lejohet të qëndrojë asnjë minutë ministër i Brendshëm.
Gjatë bashkëbisedimit që pati me ish të përndjekurit nga çadra e protestës para kryeministrisë, Basha tha se Xhafaj nuk do ta kalojë pragun e Ministrisë së Brendshme përveç se mbi trupat tanë.
“Sakrifica e një populli të tërë për ata miëra të rinj dhe të reja të klonuar në kufijtë e Shqipërisë që ndiqnin ëndrrën e lirisë që gjendej jashtë diktaturës, rrezikon të përdhoset nga një kryeministër nip i Byrosë Politike të Enver Hoxhës, i cili nuk u mjaftua me gjëmën e kriminalizimit dhe drogës, por ka vendosur ti propozojë shqiptarëve për ministër të Brednshëm, një nga hetuesit më famkeq të diktaturës së Enver Hoxhës, një njeri që ka torturuar me duart e tij djem dhe vajza të Krujës, një njeri që pasi hoqi kostumin e hetuesisë veshi bashkë me vëllain e tij kostumin e narkotrafikantit, ky është Fatmir Xhafaj.”– tha ndër të tjera kreu i opozitës.
