Policia e Tiranës ka vënë në pranga dy të rinj pasi akuzopheëm për gjobëvenie.
Ata kanë kërcënuar një biznemen për t’i marrë në formën e gjobës shumën monetare prej 10 mijë eurosh .
Në sajë të operacionit të koduar “Last Night” është vënë në pranga Altin Valisi, 21 vjeç dhe Durim Dervishi, 19 vjeç, të dy nga Tirana.
Këta dy shtetas kanë kërcënuar me mesazhe telefonike biznesmenin P. Z, 55 vjeç, të cilit i kanë kërkuar në formën e gjobës shumën monetare prej 10 mijë eurosh. Policia ka sekuestruar në cilësinë e provës materiale një automatik AK-47, 11 aparate celulare dhe 5 karta SIM.
Ndaj dy të rinjve rëndon akuza e shtrëngimit me anë të kanosjes për dhënien e pasurisë si dhe armëmbajtje pa leje.
