Rama: PD në çadër mund të qëndrojë për arsye të tjera por jo për vetting-un
Kryeministri Edi Rama ka firmosur sot peticionin për zbatimin e Reformës në Drejtësi. Nga parku Rinia ku ishte i pranishëm tek çadrat e gritura për firmosjen e peticionit Rama tha se maxhoranca është gati të ulet në tryezë me opozitën, por bëri të qartë se nuk mund të negociohet për qeveri teknike, pasi sovrani ka vendosur me votën e 2013 se kush është në opozitë dhe qeveri.
Githashtu Rama u shpreh se zbatimi i Reformës në Drejtësi duhet të fillojë një orë e më para për të çliuar sipas tij sistemin e drejtësisë nga të korruptuarit.
Më tej Rama i ka bërë thirrje PD-së që të lërë çadrën dhe të kthehet në Kuvend për të votuar komisionet e Vetting-ut.
“Opozita ka detyrimin të zbatojë Kushtetutën dhe të mos fshehë kokën përballë një detyrimi të madh publik duke qëndruar në çadër. Në çadër mund të qëndrojë për arsye të tjera por jo për vetting-un. Megjithatë veting-un nuk e ndal dot askush. Ju siguroj për këtë. Vetting-ut dhe reformës në drejtësi i ka ardhur koha dhe nuk e ndalon asnjeri”, tha Rama.
