Kryetari i Partisë Demokratike Lulzim Basha ashtu si dje edhe sot ka ashpërsuar artikullim e tij duke i bërë thirrje qytetarëve për luftë.
I pranishëm në çadrën ku po mbahet protesta Basha tha se protesta e nisur nga opozita nuk është një lojë por një luftë nga e cila do kthehemi vetëm me fitore.
“Ju kam pyetur a jeni gati të luftojmë së bashku. Kjo është një luftë pa kthim. Nga ana tjetër është një grusht njerëzish, një grusht derrash oligarkë që i vjedhin dhe ju vrasin ditë për ditë. Ata kanë vënë një bast të madh, basti i tyre vlen miliarda. Po jua thotë bota. Miliardat e pasurive të shqiptarëve. Ky është interesi i tyre”, tha Basha.
Gjthashtu Basha tha se konsensusi dhe mbështetja për protestën sa vjen e rritet, ndërsa ju bëri thirrje qytetarëve të mos kthejnë faqen tjetër, por nëse i qëllojnë me pëllëmbë tua kthejnë me grusht.
Më tej lideri i opozitës deklaroi se misioni i tyre nis me zgjedhjet e lira dhe të ndershme, por nuk përfundon aty. Sipas Bashës misioni i ri është të varrosim republikën e vjetër.
