Policia e Shtetit ka nisur një operacion masiv në të gjithë vendin për marrjen e masave për parandalimin e kultivimit të bimëve narkotike të reja.
Që prej mëngjesit të djeshëm po zhvillohen kontrolle në serra, farishte, ish-depot e ushtrisë, tunele dhe banesa të braktisura dhe më pas do të vijojnë dhe në ambiente të hapura.
Në këtë operacion janë angazhuar mijëra punonjës policie në të gjithë vendin si dhe drejtues të policisë së Shtetit.
Operacioni i cili vjen në zbatim të Planit të Veprimit të ardhur nga Ministri i Brendshëm ka për qëllim evidentimin dhe shkatërrimin e farishteve, kubikëve që mund të kultivojnë bimë narkotike, të sekuestrimit të farave cannabis sativa.
