Një ngjarje e rëndë ka ndodhur ku 32 vjeçar shqiptar është gjetur i vrarë, në mes të rrugës, në periferi të Barit në Itali.
Mediat italjane bëjnë me dije se shqiptari është qëlluar me tre plumba, duke i shkaktuar edhe vdekjen e menjëhershme 32 vjeçarit.
Sipas hetuesve në vendngjarje janë gjetur 6 gëzhoja plumbash, ndërsa dyshohet se i riu është qëlluar nga dy persona.
Policia deklaron se i riu njihej si person me precedentë të mëparshëm penalë për drogë, ndërsa hetimet e mëtejshme pritet të zbulojnë detaje të tjera.
Policia lokale ka nisur hetimet për këtë ngjarje të rëndë, për të zbuluar shkaqet dhe rrethanat e saj.
