Kryetari i Partisë Demokratike: do të përballemi në Kuvend me këtë emërim korruptiv
“Rama shpalli luftë të re me opozitën” tha kryetari i PD-së Lulzim basha, duke komentuar emërimin e Arben Ahmetajt në postin e ministrit të Financave. Në mbledhjen e grupit parlamentar demokrat, Basha tha e quajti emërim korruptiv zevëndësimin e Shkëlqim Canit me Ahmetajn. “Emërimi i Arben Ahmetaj është lufta e re që Rama i shpall opozitës, PD dhe gjithë shqiptarëve. Kështu e lexojnë njerëzit, kështu e lexojnë miqtë dhe partnerët kërshllëkun e tij të hapur. Ne do ti përgjigjemi do të përballemi në Kuvend me këtë emërim korruptiv. Do të vazhdojmë betjenë ligjore kundër zhvatjes së qytetarëve”, tha Basha.
Reagimi i kreut të PD-së, vjen një ditë pasi kryeministri Rama shkarkoi Shkëlqim Canin nga detyra e ministrit të Financave dhe në vend të tij, emëroi Arben Ahmetajn. Ky i fundit ishte në postin e ministrit të Ekonomisë, në të cilin Rama emëroi Milva Ekonomin.
