Një 53 vjeçar është plagosur rëndë pasi është goditur me sëpatë në krah nga i vëllai i tij për një pronë në Krujë
Ngjarja e rëndë ka ndodhur në fshatin Mefsheq të Krujës ku 55-vjeçari Ramazan Ferra ka goditur me sëpatë vëllain e tij 53 vjeç. Nga goditja, 53-vjeçari me inicialet G.F, ka mbetur i plagosur në krah dhe është dërguar në spital për të marrë ndihmën mjekësore.
Në vendngjarje kanë mbërritur menjëherë forcat e policisë të cilët gjatë kontrollit në banesë kanë sekuestruar në cilësinë e provës materiale sëpatën dhe rreth 2 kg lëndë narkotike e dyshuar e llojit Cannabis Sattiva.
Ndërkohë materialet në ngarkim të 55-vjeçarit Ramazan Ferra i kaluan Prokurorisë së Rrethit për akuzat “Plagosje e rëndë me dashje” dhe “Prodhimi dhe shitja e narkotikëve”.
