Një person u zgjat nga varka për të larë duart, ndërsa një mik e paralajmëroi të mos e bënte këtë, sikur e parandjeu që do ndodhte diçka që mund të rezultonte fatale.
Videoja befasuese kap momentin kur një peshkaqen kafshon një peshkatar dhe e tërheq atë në ujë në Florida Everglades të premten, disa sekonda pasi ai kundërshtoi paralajmërimin e një shoku për të mos i futur duart në ujë.
Sipas një raporti në edicionin online të New York Post, personi shkoi për të larë duart në ujë, ndërsa një mik e paralajmëroi të mos e bënte këtë.
“Unë nuk do t’i fusja duart atje,” dëgjohet të thotë një person.
“Për dy sekonda asgjë nuk do të ndodhë” përgjigjet peshkatari ndërsa përkulet mbi anën e varkës dhe zhyt dorën e majtë, pastaj të djathtën, në ujë.
Për fat të keq, pothuajse menjëherë një peshkaqen e sulmoi atë dhe i kapi krahun e djathtë duke e tërhequr zvarrë me kokë në ujë, me personin duke bërtitur.
Për fat të mirë për të peshkaqeni e çliron shpejt dhe ai përpiqet të kapë varkën me dorën e lënduar.
“Kape atë! Kape! Kape!” miku bërtet në panik, ndërsa një person tjetër në barkë dëgjohet duke bërtitur: “O Zot”.
Më në fund, burri u ngjit në varkë me ndihmën e miqve të tij.
Shoku i personit të sulmuar nga peshkaqeni, i cili regjistroi momentin në kamera, tha se grupi u kthye me shpejtësi, ku rojet e parkut ndihmuan të plagosurin.
Shërbimi i Parkut Kombëtar tha se peshkatari u transportua me helikopter në Qendrën Mjekësore të Jackson South nga personeli ndihmës në Miami-Dade, raportoi Local 10 News.
Shkalla e lëndimeve të burrit nuk është përcaktuar.
Shoku i tij e ka ngarkuar videon për të informuar për rrezikun në vendngjarje.
“Sot ishte një nga ditët më të frikshme në ujë që kam pasur ndonjëherë,” tha ai. “Nick po lante duart në ujë dhe u kafshua menjëherë nga një peshkaqen i madh.”
