Një 38-vjeçar ka përfunduar në pranga për një ngjarje të ndodhur në vitin 2023. Policia bën me dije se arrestuari dyshohet se në bashkëpunim me vëllanë e tij, kanë qëlluar me armë zjarri në drejtim të një automjeti që drejtohej nga 41 vjeçari.
Njoftimi:
Ekzekutohet nga Sektori për Hetimin e Krimeve të Rënda urdhri i ndalimit për një 38-vjeçar, i akuzuar për vrasje.
38-vjeçari dyshohet se, në bashkëpunim me vëllain e tij, shtetasin K. G. (aktualisht në paraburgim në ambientet e IEVP Fier), më datë 07.12.2023, në lagjen “16 Prilli”, Fier, pas një konflikti për motive të dobëta, kanë qëlluar me armë zjarri në drejtim të një automjeti që drejtohej nga shtetasi E. J., 41 vjeç.
Si pasojë e të shtënave, 41-vjeçari ka humbur jetën në vendngjarje.
gijotina.com/
