Kreu i Kuvendit Ilir Meta ka reaguar pas largimit nga Shqipëria të biznesmenit libanez, duke kërkuar vënien para përgjegjësisë të autorëve të dhunimit të biznesmenit Fadi Mitri, kompania e të cilit tërhoqi investimin prej 450 milion dollarësh në Gjirin e Lalëzit.
Nga Shkodra ku ishte i pranishëm, Meta deklaroi se ky rast duhet të shërbejë që në të ardhmen të bëhen më shumë përpjekje nga autoritetet për sigurinë fizive dhe juridike të investitorëve të huaj dhe vendas.
Kreu i Kuvendit foli dhe për amendamentin e LSI për ligjin e importit të plehrave, që sipas tij i jep zgjidhje edhe shqëtësimit me të drejtë të shoqërisë civile, por nga ana tjetër çliron industrinë e riciklimit të bllokuar prej 3 vitesh.
Ndërsa përsa i përket debatit mbi kanabisin, Meta tha se krahas policisë, rol të madh duhet të luajë dhe prokuroria.
