Avioni i vogël për të cilin deputeti Noka hodhi akuza se ishte rrëzuar me drogë në Durrës, është zbuluar nga policia në grykëderdhjen e Ishmit, në fshatin Godo.
Sipas burimeve policore, avioni është ulur për shkak të një defekti dhe nuk rezulton të ketë pasur drogë në bord.
Megjithatë, uniformat blu po kryejën verifikimet dhe veprimet proceduriale.
Nga të dhënat rezulton se avioni drejtohej nga një pilot italian, i cili ka deklaruar se ka bërë ulje të detyruar për shkak të një defekti.
Piloti është dërguar në spitalin e Durrësit për të marrë trajtim mjekësor. Ai është identifikuar si Guido Andrea Guidi, 69 vjeç.
