Mbi 33 kg kanabis është sekuestruar nga policia e Elbasanit teksa në pranga kanë rënë 2 vëllezërit Endrit dhe Sadush Ismailaj.
Sipas njoftimit të policisë, gjatë kontrollit të ushtruar në automjetin me të cilin lëviznin dy vëllezërit dhe në banesën e tyre, u gjetën dhe sekuestruan në total, rreth 33.5 kg lëndë narkotike kanabis.
Gjithashtu, të arrestuarve iu gjetën dhe iu sekuestruan automjeti me të cilin transportonin lëndë narkotike, një pjesë armë zjarri, municion luftarak dhe aparatet celulare.
Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet procedurale u referuan në Prokurori.
