Në konferencën e sotme me rektorët, kryeministri Edi Rama u shpreh se largimi i mjekëve dhe infermierëve nuk mund të vazhdojë me këto ritme. Sipas tij, financimi duhet bërë aty ku shoqëria merr më shumë, duke shtuar se diploma e mjekut nuk do jepet sa të mbarojë shkolla. Rama kritikoi Bashkimin Europian, duke thënë se duhet të gjejë një mënyrë për të kthyer investimin e Shqipërisë, që diplomon mjekët të cilët shkojnë në Gjermani për të punuar.
“Nuk mund të furnizojmë me mjekë Gjermani. Paguajmë ne i bëjmë gati dhe i merr gjermani. Nuk mund të vazhdojë kështu. Ne nuk kemi mungesë për mjekë, por Italia sot ka 40 mijë mjekë dhe infermierë mungesë. Nuk do presim të shkojmë në atë stad. Diplomën e mjekut nuk do ta japin sa të mbarosh shkollën, do ti kthesh popullit tënd atë që ka bërë për ty, pastaj mund të shkosh ku të duash. Do të kërkojmë të na e kthejnë investimin. Duan ti marrin në Gjermani, ti marrin, por duhet të na e kthejnë investimin,. Nuk mund të BE duhet të gjejë formën që të kthejë diçka. S’mund të vijojë mediokriteti për të mbajtur ca njerëz me rroga në punë. Lëvizni, bëhuni pjesë e mesatares së lartë dhe bëhuni diçka tjetër”, tha ai.
