Kandidati i majtë për Kryetar Bashkie të Dibrës, Muharem Rama zhvilloi një takim me gra e vajza të qytetit të Peshkopisë.
Kandidati i “Aleancës për Shqipërinë Europiane ” shoqërohej në këtë aktivitet nga bashkëshortja tij Brunilda, kryetarja e Forumit të Gruas së Partisë Socialiste, Olta Xhaçka dhe deputetja Blerina Gjylameti.
Muharrem Rama shprehu bindjen se me mbështetjen e grave dhe vajzave të Dibrës, fitorja do të jetë më e lehtë për t’u arritur në votimet e kësaj fundjave.
“Me gjithë këtë mbështetje që më keni dhënë ju sot, si motra e si nëna, unë shikoj sot këtu fillimin e fitores për gjithë Bashkinë e Dibrës. Me forcën tuaj, fitorja është e sigurtë”, tha Rama.
Ndërsa kryetarja e Forumit të Gruas së Partisë Socialiste, Olta Xhaçka, u shreh se Rama është alternativa më e mirë që ofrohet para zgjedhësve.
“Ne si gra kemi zgjedhur për të mbështetur kandidatin më të mirë të mundshëm, i cili me punën dhe veprën e tij të një jete të tërë e ka treguar se është njeri i punës, i sakrificës, i përkushtimit, ndaj grave, ndaj fëmijëve dhe ndaj njerëzve në nevojë”, tha Xhaçka.
