Janë publikuar pamjet nga ngjarja e rëndë, ku një 45-vjeçar nga Kosova humbi jetën në Treviso të Italisë nga plagët e marra gjatë një përleshje në rrethin e Fierës.
Gjakderdhje e rëndë ndodhi pak para orës 22:00 të së mërkurës në mbrëmje në Viale në Treviso. Sipas disa dëshmitarëve, një grup rumunësh dhe kosovarësh janë përballur me njëri-tjetrin jashtë lokalit La Musa.
Sipas mediave të huaja, viktima ishte goditur disa herë me thikë, ndërsa disa persona të tjerë u plagosën dhe ndodhen në spital. Nuk dihen ende arsyet e kësaj historie, megjithëse nuk përjashtohet që të ketë lidhje me një rrahje të regjistruar pak ditë më parë në afërsi të zonës. Policia shkoi në vendin e ngjarjes dhe po punon për zbardhjen e plotë të rrethanave.
