Pak ditë më parë ambasadorja Yuri Kim takoi kreun e SPAK, Arben Kraja, ndërsa ka dhënë disa këshilla në lidhje me zbatimin e reformës në drejtësi. Në media u fol se deklarata e Kim kishte mesazhe të koduara për disa politikanë Lidhur me këtë ka reaguar sot ish-presidenti Ilir Meta, i cili tha se ai nuk e ka marrë si ndonjë mesazh deklaratën e Kim. Ndërsa vazhdoi më tutje me akuzat se edhe SHBA e di që SPAK është kapur nga Rama.
“Nuk ka se si të ketë mesazh të fshehur për mua, mesazhet e mia kanë qenë të hapur ndaj të gjithëve që kjo ka qenë reformë e dështuar. Është kapur prokuroria nga Edi Rama. Është vetë ai që në kongresin e fundit ku e bëri të qartë se SPAK është krijesë e PS-së. Ekzistencën e vetë ia detyroi partisë. Është e qartë se kush janë personat që i bëjnë presion drejtësisë. Shqipëria ka rënë 26 vende përsa i takon treguesit antikorrupsion. Është vendi i dytë në botë për dhënien dhe marrjen e ryshfetit pas Zambias”, tha ai.
