Nervozizmi dhe lëvizjet e dyshimta tradhtuan një 24-vjeçar shqiptar, i cili është arrestuar nga policia e Zvicrës pasi u kap me 7kg heroinë dhe rreth 1 kg kokainë gjatë një kontrolli. Sipas mediave vendase, Policia e Solothurnit gjeti shtatë kilogramë heroinë dhe rreth një kilogram kokainë gjatë një kontrolli shtëpie në Zuchëil rreth një javë më parë. Sipas njoftimit të policisë të së enjtes, vlera e drogës llogaritet në 100 mijë franga.
Shqiptari u kontrollua nga një patrullë të mërkurën e një javë më parë, sepse sjellja e tij kishte krijuar dyshime te oficerët tha policia kantonale e Solothurnit të enjten. Duke qenë se nuk kishte dokumente identifikimi, efektivët e dërguan në komisariat për ta kontrolluar. Pas sqarimeve dhe hetimeve, prokuroria publike ka urdhëruar bastisjen e shtëpisë së tij ku dhe ka bërë më pas zbulimin dhe sekuestrimin e drogës. 24-vjeçari është ende në paraburgim.
