“Lufta” mes Kryeministrit Edi Rama dhe kryedemokratit Sali Berisha nuk ka të ndalur, madje do jetë pjesë e çdo evenimenti apo ngjarje. Këtë herë, Rama shfrytëzoi ceremoninë e promovimit të një libri për të thumbuar Berishën, duke i bërë të qartë se ambasadorët amerikanë në Shqipëri nuk bëjnë politikë personale. Ai ka përmendur termat provincializëm dhe bajraktarët, duke thënë se vetëm tipa të tillë sikur është Berisha mund të hedhin ide të tilla negative për ambasadorët.
“Të mendosh që ambasadorët amerikanë në Shqipëri bëjnë politikë personale është njësoj si të mendosh që SHBA-të janë si Shqipëria dhe që një superfuqi funksionon njësoj siç funksionojnë partitë, kryetarët e të cilëve apo udhëheqësit e të cilëve promovojnë një ide të tillë, një ide absurde që buron sigurisht nga një provincializëm shumë i thellë nga një bajraktarizëm shumë i rrënjosur dhe patjetër edhe nga një ide se shqiptarët mund të tërhiqen prej hunde dhe se mund të ngrihen në falanga për të mbrojtur sovranitetin dhe dinjitetin duke luftuar me ambasadorët amerikanë.
Kjo funksionon për një farë kohe mbase, kjo funksionon mbase për disa njerëz që janë të painformuar dhe që nuk duan të informohen, por kjo nuk funksion në raport me marrëdhëniet shqiptaro-amerikane dhe në raport me vetë popullin shqiptar si i tërë. Ambasadorët amerikanë sigurisht janë njerëz, sigurisht kanë natyrat e tyre, por, e para përfaqësojnë SHBA-të dhe sistemi i vendimmarrjes dhe sistemi i komunikimit të shteteve serioze, të shteteve të mirëorganizuara në tërësi padiskutim të një shteti si SHBA-të, nuk ngjan në asnjë lloj forme me çfarë mund të kenë në kokë bajraktarët e Shqipërisë. Është komplet një sistem jo personal dhe një sistem tërësisht institucional”, Edi Rama.
Ai vlerësoi rolin e diplomatëve amerikanë dhe të vetë SHBA-së në progresin e vendit tonë, duke nënvizuar se pa ta çorapi në këtë shtëpi do ishte bërë shumë më i pahekurosshëm
