Dy shqiptarë janë vënë në pranga brenda një magazine të mbushur me kanabis ku kultivoheshin 3 mijë bimë në total. Operacioni u zhvillua sot në një magazinë industriale në Pablo Iglesias në Spanjë.
Punonjësit e policisë kanë hyrë në magazinë dhe kanë kryer kontrollin. Përveç sekuestrimit të parave dhe materialeve të ndryshme të destinuara për të mirëmbajtur një plantacion prej 3 mijë bimësh marijuanë, u gjetën dhe dy shqiptarët që e ruanin.
Nga tërësia e drogës, fitimi do të ishte rreth 450 mijë euro. Shqiptarët do të merren në pyetje për të zbuluar anëtarë të tjerë të grupit kriminal.
