Deputeti i Partisë Demokratike, Ervin Salianji në një intervistë për mediat, ka komentuar situatën në Partinë Demokratike, ku edhe ka theksuar se nuk është dakord me sulmet ndaj ambasadores Yuri Kim dhe zyrtarëve të tjerë amerikanë.
“Nuk bie dakord me sulmet ndaj ambasadores Yuri Kim, ne nuk kemi betejë me asnjë përfaqësues amerikan, duhet dhënë fund debateve të brendshme në parti. Luftën e kemi me Edi Ramën” – është shprehur Salianji.
Ndërkohë sot për herë të parë ai ka pranuar se ish kryeministri Sali Berisha ka shumicën në Partinë demokratike.
