Janë publikuar pamjet ku i bëhet atentat me dron në mes të ditës Aleks Dedës. Pasi u ka shpëtuar tre atentateve të njëpasnjëshme me armë zjarri 44 -vjeçari, baba i katër fëmijëve dhe familja e tij janë marrë në mbrojtje nga policia e shtetit me urdhër të SPAK. Banesa e Dedës në periferi të qytetit të Lezhës është nën mbrojtje 24 orë me patrullë statike të policisë, për të parandaluar një tentativë tjetër që synon eleminimin fizik të tij. Por edhe pse nën mbrojtjen e policisë, një organizatë kriminale që e ka në shënjestër babain e katër fëmijëve, nuk ka hequr dorë nga objektivi i saj. Mesa duket autoret janë njoftuar se Aleks Deda ka dëshmuar ne SPAK përballe prokuroreve me date 8 mars 2022.
Këto janë pamjet nga atentatet e dështuara ndaj Aleks Dedës në Lezhë. Gazetari Artan Hoxha, ka ndarë në Xhungël video-n në të cilën shihen pamjet nga atentati, i datës 7 mars 2022, duke dale nga një lokal ne qytetin e Lezhës. Deda ka qene i shoqëruar edhe nga dy persona te tjerë, të cilët për fat të mire kanë shpëtuar pa pasoja. 44 -vjeçari shfaqet në video me kapele dhe ndërsa është qëlluar, rrëzohet në toke dhe tenton të kundërpërgjigjët. Xhupi i Dedës është sekuestruar nga prokuroria, pasi është përshkuar nga 6 plumba, por për fat te mire pa i rrezikuar jetën. Autoret kanë ardhur nga Shëngjini me një mjet tip Audi A8, me targa italiane, me xhama te erret. Qetësi ka qëlluar nga dera e pasme e pasagjerit dhe me pas mjeti është larguar me shpejtësi.
Po ashtu në video është dhe atentati tjetër i dyshuar ndaj Dedës. Në video shihet droni i autoreve qe kërkojnë ekzekutimin e Dedes, ndersa fluturon mbi banesën e tij me date 5 prill. Po ashtu, shihet se pranë banesës janë dhe forcat e policisë të cilët janë në mbrojtje të banesës.
