Prokuroria e Posaçme kundër Korrupsionit dhe Krimit të Organizuar sëbashku me Policinë, kanë zhvilluar një operacion në doganën e Vlorës ndërsa në aksion kanë marrë pjesë 15 efektivë të cilët kanë zhvilluar kontrolle në kamionë. Operacioni i policisë ka zgjatur rreth 60 minuta, ndërsa janë kryer kontrolle edhe brenda doganës. Policia ka ndaluar kamionë në doganë, që nga pesha ka rezultuar mbi kapacitetet e përcaktuara.
Gjithashtu raportohen disa të shoqëruar në policinë e Vlorës të cilët kishin detyra të ndryshme. Shoqërimet janë bërë për shkak se ka kaluar një kamion me mallra kontrabandë pa u raportuar. Kamioni ka pasur mallra me shumë në ngarkesë seç është raportuar. Po hetohet kush nga punonjësit qe kane pasur turnin ka neglizhuar detyrën dhe ka lejuar kamionin të kalojë.
Policia po merr të shoqëruarit në pyetje teksa po mbledh të gjitha provat në vendin e ngjarjes.
