Seanca e sotme plenare ka pasur në fokus të diskutimeve rritja e çmimeve dhe kriza që ka mbërthyer vendin. Por, ministret e qeverisë tonë edhe këtë moment e shfrytëzojnë për propagandë dhe mburrje. Ministrja e Shëndetësisë, Ogerta Manastirliu, në vend që të diskutonte për hapat që merren, masat e nevojshme, e filloi dhe e mbylli fjalën e saj duke thënë se qeveria shqiptare do merret shembull nga të tjerë për punën që ka bërë në këto vështirësi që po kalojmë.
“Kriza me përmasat globale po ja lënë vendin njëra tjetrës në një frekuencë që nuk ishte parë kurrë, si pandemia e Covid-19 pasojat e të cilës vazhdojmë ti ndjejmë apo tërmetin që falë solidaritetit qytetar ja dolëm. Sa shpejt reagon, kujt i bëhet mburojë, edhe një mijë fjalime të mbanim sot o ishin të panevojshme para fakteve, sot shumë qytetare jetojnë në shtëpi të reja në lagje model me një jetë të re, është ilustrimi më i mire se si një qeveri duhet të reagojë ndaj këtyre situatave. Ne nuk i kemi ndalur investimet, kjo qeveri i ka dhënë provat për raste emergjente dhe krize”, është shprehur ministrja. Para saj edhe Belinda Balluku doli me të njëjtat justifikime por me asnjë zgjidhje për popullin.
