Korçarët i japin asist hungarezëve të Ferencvarosh, Partizani dhe Tirana viktima të ankimimit të tyre të palogjikshëm në Lozanë
Gjykata e Arbitrazhit Sportiv në Lozanë la në fuqi vendimin e UEFA-s, duke e lënë Skënderbeun jashtë kupave të Europës për një vit. Shkak është bërë një hetim për trukim ndeshjesh nga institucioni që drejton futbollin në kantinent, pas të cilit klubi korçar u gjet fajtor. Ndërkohë, gjatë të gjithë kësaj periudhe, drejtuesit e Skënderbeut asnjëherë nuk kanë pranuar përfshirjen në afera të tilla, madje shpesh janë shfaqur arrogant në media, duke dhënë përshtypjen se ne jemi po ata të dikurshmit, por tashmë viktima të xhelozisë. E vërteta është se suporti nga Federata Shqiptare e Futbollit ka qenë në nivelin më të lartë, sin ë ditët e arta, ashtu edhe më të errëtat, duke përfshirë të gjithë historinë e futbollit shqiptar. Asnjëherë më parë, UEFA nuk ka dënuar një klub tonin për shkak të ndeshjeve të trukuara. Por megjithëse ekspertë të fushës shpreheshin të bindur që dënimi i Skënderbeut ishte minimal dhe i paevitueshëm, korçarët jashtë pritshmërive iu drejtuar Lozanës në limitet e afatit, duke u futur në short dhe hequr mundësinë e Champion League, Partizanit, si dhe pjesmarrjen e Tiranës në Europa League. Ndëra Ferencvarosh do të kalojë në turin e tretë të Ligës së Kampionëve automatikisht, duke marrë një assist nga korçarët.
