Zlatan Ibrahimovic ka njoftuar transferimin e tij tek skuadra e Manchester United. Suedezi e njoftoi lajmin në adresën e tij në Twitter.
34-vjeçari, gjatë kësaj kohe ishte me çmim 0 në merkato pasi i kishte mbaruar konratata me Paris Saint Germain dhe në mes të një lumi ofertash ishte i lirë të zgjidhte cilindo ekip që ai donte.
“Mendoj se erdhi momenti të lajmëroj botën se ekipi im i ri është Manchester United,” shkroi Ibra në Twitter.
United, që akoma nuk e ka konfirmuar marrëveshjen, ka njoftuar për një ndeshje miqësore me Galasataray-n në vendlindjen e Ibrahimovic më 30 korrik.
Suedezi do t’i bashkohet ish-trajnerit të tij tek Interi, Jose Mourinho dhe përballë do të kenë armikun e tyre të përbashkët Pep Guardiola që është zgjedhur trajner i Manchester City-t.
