Ditën e sotme do të zhvillohet takimi mes tre vendeve që kanë firmosur për iniciativën e ‘Open Balkan’; Shqipërisë, Serbisë dhe Maqedonisë së Veriut. Në momentin e fundit është shtuar dhe kryeministrin e Malit të Zi, Zdravko Krivokapiç. Ai darkoi mbrëmjen e djeshme me presidentin serb Vuçiç, kryeministrin Edi Rama dhe zëvendësin e kryeministrit të Maqedonisë së Veriut Zoran Zaev, Nikolla Dimitrov. Për shkak të dorëheqjes së Zoran Zaev pas zgjedhjeve lokale, në vend të tij i pranishëm në Beograd është zëvendësi i tij.
Diskutimet e ditës së djeshme, do të bëhen publike sot. Agjenda për këtë takim që organizohet nga Këshilli Atlantik, përfshin edhe panel diskutimi me temë “Transformimi digjital si dorë ndihmëse për integrimin rajonal”, në të cilën do të ketë përfundime dhe më pas do të mbahet konferencë për shtyp.
Vuçiç, do të takohet sot zyrtarisht me kryeministrin e Republikës së Shqipërisë, Edi Rama dhe zëvendëskryeministrin e Maqedonisë së Veriut, i ngarkuar për çështje evropiane, Nikola Dimitrov. Pas takimit të tyre, në orën 11:30 do të mbahet edhe një konferencë për shtyp.
ZBARDHET AXHENDA
08.55 Mbërritja dhe foto e përbashkët e zyrtarëve
09.00-10.00 Takimi i zyrtarëve me biznesmenë
10.00-10.30 Takimi i zyrtarëve me përfaqësues të Këshillit Atlantik
10.30-11.30 Takimi i Presidentit Aleksandar Vuçiç me Kryeministrin Edi Rama dhe zëvendëskryeministrin Nikolla Dimitrov
11.30-12.30 Konferencë e përbashkët për shtyp e tre zyrtarëve
Çfarë është ‘Ballkani i Hapur’?
Nisma për bashkëpunim rajonal “Ballkani i Hapur”, që përfshin Serbinë, Maqedoninë e Veriut dhe Shqipërinë, është nisur nga presidenti i Serbisë Aleksandar Vuçiç, kryeministri i Maqedonisë së Veriut Zoran Zaev dhe kryeministri i Shqipërisë Edi Rama në tetor 2019. emri “Mini Schengen” . Nisma parashikon lëvizjen e lirë të kapitalit, mallrave, shërbimeve dhe njerëzve midis tre vendeve. Në korrik të këtij viti, në Forumin për Bashkëpunim Ekonomik Rajonal në Shkup, Maqedonia e Veriut, nisma mori emrin “Ballkan i Hapur”.
