Policia greke ka arrestuar sot 46 vjeçarin shqiptar, Shpëtim Hajdaraj, i cili akuzohet për sulm seksual ndaj 27 vajzave të mitura greke, të grupmoshës 13-15 vjeç. 46 vjeçari ditën e djeshme mori masën arrest me burg nga gjykata e Pireut, pas denoncimeve të shumta të prindërve të vajzave të mitura.
Sipas mediave greke, rastet e pedofilisë nisën në shtator të vitit 2015 dhe deri në kohën kur ai u arrestua. 46-vjeçari shqiptar përpos akuzës së joshjes së të miturave akuzohet për vjedhje të përsëritur dhe mos bindje.
Ja si joshte vajzat pedofili shqiptar
https://www.youtube.com/watch?v=aH6uluoKLoo&feature=youtu.be
Shpëtim Hajdaraj, pedofili që ishte kthyer në terrorin e prindërve dhe fëmijëve të shkollës në Perëndim dhe Lindje të Athinës si dhe në zonën e Pireut ecte gjithmonë me biçikletë. Çdo ditë ai ndiqte të njëjtën taktikë. I priste të miturat në momentin që ato dilnin nga shkolla dhe më pas tentonte t’i fuste në kurth. Ai i ndalonte në rrugë dhe tentonte të merrte informacion se ku banonin apo dhe kur i takonin prindërit.
Pasi merrte informacion e nevojshëm, ai më pas përzgjidhte të sulmonte vajzat të cilat ktheheshin në shtëpi të vetme. Ndërkohë, në një tjetër rast ai ka ndaluar një vajzë, ndërsa i kishte thënë se njihte babain e saj, duke u treguar dhe emrin e prindërve. Mashtrimi shkon më tej kur ai i ishte shprehur se madje i kishte pikturuar dhomën e gjumit në kohën kur ajo ishte më e vogël. Më tej, ka vazhduar duke i thënë të miturës se po i bënte shoqëri pasi prindërit e saj kishin një punë dhe do të vonoheshin për t’u kthyer në shtëpi.
Mësohet se gjatë kohës që policia e ndaloi Hajdarajn ndërsa po lëvizte me biçikletë, ai nuk iu bind urdhrit dhe tentoi të largohej. Ndërkaq, autoritetet përkatëse vijojnë hetimet për zbardhjen e plotë të këtyre rasteve të pedofilisë, ku në qendër të saj është 46-vjeçari shqiptar, Shpëtim Hajdaraj.
