Operatori i Sistemit të Shpërndarjes së Energjisë Elektrike dhe Operatori i Sistemit të Transmetimit kanë njoftuar Entin Rregullator të Energjisë që do të depozitojnë dosjen me kërkesën për rritjen e çmimit. Një burim brenda “ERE”-s tha se OSHEE dhe OST pritet që t’i depozitojnë kërkesat e tyre në ditët në vijim.
Por cilat janë argumentet? OSHEE dhe OST në raportet e tyre pritet që të justifikojnë kërkesën për rritjen e çmimit me humbjet dhe kostot.
Kjo nuk është hera e parë që këto dy institucione bëjnë kërkesa të tilla. Prej vitit 2014, kur ishte rritja e fundit e çmimit të energjisë, OSHEE dhe OST kanë bërë disa kërkesa drejtuar “ERE”-s, por bordi i këtij institucioni i ka rrëzuar vit pas viti. Megjithatë nuk dihet se cfarë do të ndodhë për vitin 2022, nëse në fuqi do të jenë të njëjtat tarifa, apo do të ketë rritje.
