Finalizohet operacioni anti-drogë në Zall- Bastar nga Komisariati numër 4. Policia e Tiranës ka arrestuar një 47-vjeçar i cili në bashkëpunim me nipin e tij kishin kultivuar një sasi kanabisi.
Shtetasi Ferit Dedej është arrestuar ne flagrance së bashku me nipin e tij me iniciale A.Dedej(të cilin e ka shtyrë në krim), pasi në vendin e quajtur “Shëngjini Vogël Zallbastar”, kane kultivuar bime “Canabis Cativa”, me lartësi deri në 1.5 metër, nga të cilat u asgjësuan, në vendin e ngjarjes, me anë të djegies.
Polcia sekuestroi po ashtu dhe 3 radio marrëse dhënëse, që përdoreshin nga autorët gjatë kohës që shërbenin në parcele, 1 armë e ftohtë thikë, 4 telefona celularë dhe disa veshje që kanë përdorur për t’u kujdesur për bimët narkotike .
Njoftimi i Policisë:
Një person ka rënë në pranga dhe 2 janë proceduar në gjendje të lirë pas zbulimit të një parcele të mbjellur me bimë narkotike kanabis sativa. Operacioni u zhvillua nga policia e Tiranës, ku forcat e komisariatit numër 4, kanë ndërhyrë në zonën e Zall-Bastarit duke vënë në pranga një 47-vjeçar, i cili në bashkëpunim me nipin e tij, kishin kultivuar një sasi kanabisi.
1- Ferid Dedej, 47 vjeç, banues në fshatin Qafmollë të Njesisë Administrative Dajt Tiranë.
Si dhe filloi procedimi penal në gjendje të lirë për shtetasit:
2- A. Dedej, 17 vjeç, banues në fshatin Qafmollë të Njësisë Administrative Dajt Tiranë’
3- Abaz Gjediku, 53 vjeç, banues në Shëngjin i Vogël njësia Administrative Zallbastar, me detyrë kryetar (kryeplak) i fshatit, për veprën penale “shpërdorim detyre”.
Ndalimi shtetasit Ferid Dedej, u bë pasi në bashkëpunim me nipin e tij të mitur A.D (të cilin e ka shtyrë në krim), në vendin e quajtur “Shëngjini Vogël Zallbastar, janë autorët e kultivimit të një sasie të bimëve të dyshuar narkotike të llojit “Canabis Cativa”, me lartësi deri në 1.5 metër, nga të cilat u asgjësuan, në vendin e ngjarjes, me anë të djegies.
Në vijim të veprimeve procedurale gjatë kontrollit banesës së shtetasit Ferid Dedej, janë gjetur dhe sekuestruar në cilësinë e provës materiale:
– 3 (tre), radio marrëse dhënëse, që përdoreshin nga autorët gjatë kohës që shërbenin në parcele.
– 1 (një), armë e ftohtë thikë,
– 4 (katër), telefona celularë.
– disa veshje që shtetasit, kanë përdorur për t’u kujdesur për bimët narkotike .
