“Axhendën e Shqipërisë nuk e bën Greqia. Ka ikur koha, kur Greqia e bënte axhendën tonë. Sot, Greqia të vendosë nëse do të vazhdojë të jetë në gjendje lufte me Shqipërinë apo do të respektojë Traktatin e Miqësisë”, tha kryetari i PDIU-së i pranishëm në protestën që u zhvillua para Ministrisë së Jashtme.
Shoqata “Çamëria” ka nisur protestën para Ministrisë së Jashtme në pritje të vizitës së ministit të Jashtëm grek, Nikos Kotzias. Me moton “Unë jam shqiptar i Çamërisë, unë ekzistoj”, protestës i janë bashkuar shumë qytetarë, të cilët kërojnë zgjidhjene e Çështjes Çame.
Protesta ndaj Kotzias lidhet me deklaratën e tij se Çështja Çame nuk ekziston. Tubimi nisi para Ministrisë Jashtme qysh në orën 08.30, atje ku sot është zhvilluar takimi mes ministrave të Jashtëm të dy vendeve, Bushatit dhe Kotzias.
