Nga Ahmet Zani
Ky është realiteti i zonës bregdetare në plazhin e Godullës, mjaft e rënduar nga mbetjet urbane, realitet shqiptar e trishtues. Godulla ndodhet rreth 40 kilometra nga metropoli shqiptar, në fshatin Adriatik të Kurbinit dikur zonë mjaft e frekuentuar nga pushuesit, tashmë të ngjan si landfill.
Në një vijë bregdetare prej afro gjashtë kilometër është shtrirja e rërës me cilësi kurative dhe e virgjër, por e mbuluar nga mbetjet që sjellin dy lumenjtë, Ishëm dhe Drojë.
Kjo katastrofë ekologjike është e përvitshme, mbetje që vijnë nga Tirana zënë vend buzë detit në Godull, gjë që ka larguar pushuesit e dikurshëm.
Prof. Dr. Idriz Haxhiu, i cili studion prej disa viteve radhazi zonën bregdetare bën thirrje për këtë gjendje të rënduar dhe rrezikun e zhdukjes së gjallesave.
Ndërsa Sefer Zela është ndër peshkatarët e përheshëm prej 25 vitesh në këtë zonë, i cili ai ka humbur çdo shpresë për pastrimin e kësaj zonë turistike.
Përballja e parë me realitetin e padëshiruar është ura e shkatërruar dhe rruga prej afro dy kilometër në gjendje të mjerueshme kështu si bregdeti, një “zonë e ndaluar” për pushuesit dhe peshkatarët nga moskujdesja e strukturave, për një sezon turistik që sapo ka nisur, ku natyra ka dhënë mrekullitë, ndërsa i mungon kujdesja e shtetarëve.
Një zonë e katandisur si mos më keq, ndërsa taksapaguesit janë në zbatueshmëri të plotë me ligjin, por përkujdesja për zhvillimin e turizmit dhe krijimin e kushteve janë thuajse zero.
Për të sjellë në vëmendje zonën bregdetare në Gjirin e Lalzit, në një vijë me Godullën krahasimet janë evidente, thua se kjo zonë të është e pazbuluar nga shtetarët që pushimet sezonale i kalojnë pranë Gjirit të Lalzit.
