Gazetari Artan Hoxha i ftuar mbrëmjen e djeshme në emisionin “Arnautistan” u shpreh se porti më i madh i drogës sot në Europë është Roterdami në Holandë.
Në vendin e dytë sipas tij renditet Belgjika dhe në të tretin Anglia. Hoxha tha se krimi i organizuar zgjedh portet e mëdha dhe me fluks pune për ngarkesat pasi është më e vështirë për ti kontrolluar.
“Porti më i madh i drogës është Roterdami. Dy portat hyrëse të drogës sot në botë janë në Belgjikë dhe Roterdam dhe i treti është në Angli. Krimi i organizuar zgjedh portet shumë të mëdha sepse është e pamundur që të kontrollohen të gjitha”, tregoi gazetari.
Së fundi edhe në portin e Durrësit janë zbuluar sasi të konsiderueshme kokaine, të cilat kanë qenë të fshehura kryesisht në kamionët apo kontenierët me banane, që kanë pikënisjen në vendet e Amerikës Latine.
