Një sherr me thika ka ndodhur ditën e sotme në qytetin e Durrësit, ku një 51 vjeçar ka qëlluar me thikë një 55 vjeçar pas një konflikti të çastit.
Autori i ngjarjes me inicialet A.Ç., është arrestuar nga Policia e qytetit bregdetar. Ndërkohë, personi i plagosur është transportuar në spital.
Njoftimi:
Durrës/ Informacion paraprak.
Më datë 18.05.2021, në lagjen Nr.13, Plazh ,Durrës pas një konflikti për motive të dobëta shtetasi A.Ç., 51 vjeç, banues në Durrës ka goditur me mjet prerës(thikë) shtetasin A.S., 55 vjeç, banues në Durrës.
Nga ana e Shërbimeve të Komisariatit të Policisë Durrës është ndërhyrë menjëherë duke kapur në flagrancë autorin e dyshuar, në tentativë për tu larguar nga vendi i ngjarjes, i cili është shoqëruar në ambientet e policisë.
I dëmtuari ndodhet në Spitalin Rajonal Durrës nën kujdesin e mjekëve.
Grupi hetimor po punon për sqarimin e plotë të rrethanave të ngjarjes dhe kryerjen e veprimeve të mëtejshme procedurale.
