U morën me veten e tyre dhe harruan partinë.
Nga Simon Shkreli
Kur tashmë ka përfunduar numërimi i votave në gjithë vendin, ndërsa sistemi zgjedhor ka qenë pjesërisht i hapur, duke lejuar edhe mundësinë e thyerjes së herësit nga kandidatët poshtë listës së sigurtë. Që i bie të jetë numri i votave pjestuar për numrin e kandidatëve e barabartë me numërin e kandidatëve të subjektëve të cilat kanë siguruar mandate. Në Shkodër në parlament do shkojnë 4 parti e shpërndarë në 11 mandate. PD, PS, PSD dhe LSI janë forcat politike që me kandidatët e tyre do kenë përfaqësim në legjislaturen e 32 të kuvendit të Shqipërisë. Në një analizë të shifrave të partive rezulton se partitë e mëdha në këtë rast PD e PS kanë pasur më shumë luftë të brendëshme se sa luftë për të maksimizuar votat për subjektet e tyre. E kundërta kandodhur me dy partitë e vogla. Nisur nga shifrat 12 kandidatët e PD-së të gjithë së bashku kanë arritur të sigurojnë 41385 vota personale ndërsa si si parti ka marrë 47205 vota ose 5820 vota më shumë se kandidatët, e përkthyer në përqindje 43.8% të votave të vlefshme. Partia Socialiste nga gjithsej 30296 vota kandidatët e saj kanë marrë 25623 ose 4673 vota më shumë si subjekt. Ndërsa ajo që vehet re edhe tek votat preferenciale tek PSD e LSI këto dy forca politika duket se janë fokusuar të sigurojnë sa më shumë vota për subjektin se sa për kandidatët e vecantë, duke pasur parasysh edhe rrezikun e gabimit dhe shpallejne votave të pa vlefshme. PSD e cila në këto zgjedhje krahasuar nga viti 2017-të ka rritje të votuesve, rezulton se ka rreth 3359 vota më shumë si parti se sa kanë votuar për kandidatët. Ndërsa LSI ka qenë më e vëmendëshme duke u fokusuar që votat të shkojnë tek partia duke siguruar rreth 4859 vota më shumë si subjekt nga 10100 vota gjithsej kandidatët kanë marrë 5241. Në një analizë të thjeshtë pavarësisht rritjes së votuesve të PD-së dhe të PSD-së humbësi më i madh është në këto zgjedhje PS-ja e cila krahasuar me 2017 shkon me një mandat mangut, por edhe PD e cila për rreth 2500 vota nuk ka marrë mandatin e 6. Shto këtu edhe votat e partive tjera që nuk kanë arritur që të kenë votat e mjaftueshme të bëhën pjesë e parlamentit që të gjitha bashkë kanë marrë 3.29% ndërsa votat të pa vlefëshme nga 113897 që janë numëruar rezulton se 6114 janë të pa vlefshmë ose 5.37, që i bie sa dyfishi i votave të partive jashtë parlamentit. Rezultatet janë të qartë dhe me një lexim të votave prefernciale tregon qartë se PD dhe PS kanë qenë të fokusuara tek votat personale duke lejuar humbjen e mandateve si PD të gjashtin si PS të 4-in. Ndërsa fituese janë dy partitë e vogla që kanë orientuar drejtë mbështetësit e tyre drejtë kutive të votimet dhe mënyrës së votimit.
