Serbia ka vendosur të organizojë një stërvitje ushtarake vetëm një javë para nisjes së një tjetër stërvitjeje të madhe nga NATO në Ballkan.
E emëruar “Përgjigja 2021”, si një përgjigje ndaj stërvitjes të trupave amerikane dhe atyre europiane “Defender 21”, stërvitja e trupave serbe është kryer në masë të madhe me mjete luftarake të Rusisë.
Mediat pro-ruse raportojnë se në këtë stërvitje kanë marrë pjesë helikopterë Mi-17 dhe ata luftarakë Mi-35M, sisteme raketore “Pantsir” dhe tanke kryesisht të dhuruara nga Rusia.
Serbia thotë se nuk do të bashkohet me NATO, dhe do të vijoj bashkëpunimin e ngushtë me Rusinë, kryesisht në fushën ushtarake.
Stërvitja “Defender-Europe 21” do të zhvillohet kryesisht në Ballkan, me pjesëmarrjen e rreth 30,000 trupave por në përdorim do të jenë edhe bazat në Gjermani. Të gjitha shtetet ballkanike, përveç Serbisë do të marrin pjesë në këtë stërvitje.
Fotografi nga stërvitja serbe:
