Tirana e hershme është skenografia e krimit të gjëmës së mëkatit që sjell Tom Kuka me “Flamën”, e cila shuan njerëzinë. Sikur të mos mjaftonte kjo, ndodh një krim, falltorja e Bregut të Lumit, Kurtbatka, e cila i nxirrte në shesh të palarat njerëzisë vritet në mënyrë misterioze, e ku për këtë krim dyshimi i kryehetuesit Di Hima bie edhe mbi vetë Tom Kukën.
“Libri sillet rreth një vrasje. Vjen një moment që ti kur e lexon dyshon edhe te vetë Tom Kuka. Më ka marrë në telefon një shkrimtare e rëndësishme dhe më thotë se libri është shumë i rëndë. Por, unë nuk jam i ndërgjegjshëm për këtë. Ne nuk kemi pse fshehim anën tonë të egër. Duke thënë të vërtetën në sy ndoshta e kurojmë një vend. Ndoshta kurojmë ca njerëz”,- thotë shkrimtari.
Ky libër ka një dedikom specifik për Mustafa Greblleshin, i cili ka mall për Tiranën, tek e vështron nga hekurat e burgut në vitin 1948.
“Tirana e vjetër nuk ekzsiton më dhe nëse ka një krim që i është bërë shqiptarisë është vrasja e Tiranës së vjetër”,- thotë Enkel Demi.
Megjithatë, Tom Kuka beson në zhbërjen e mëkatit.
“Unë besoj, besoj në vlera, besoj tek shthurja e mëkatit, ky është besim i madh… unë besoj se dikush të liron nga mëkati”.
Ky është libri i katërt i Tom Kukës (Enkel Demit), i cili me një gjuhë sqimtare në dialektin e Tiranës së para 100 vjetëve, fton lexuesin te duhma e “Hide mbi kalldrëm”, romani i parë i botuar prej tij, madje dhe disa nga personazhet sërish do të sillen rreth një krimi të pazbuluar, në një botë ku magjikja dhe realja shkrijnë kufijtë me njëra-tjetrën.
* Kronika u bë nga gazetarja Leontina Nika
