Një infermier i spitalit të Krumës pak ditë më parë shfaqi probleme shëndetësore pas marrjes së dozës së dytë të vaksinës “Pfizer” kundër koronavirusit duke përfunduar në spitalin e Gjakovës për ndihmë. Por cilat ishin rrethanat? Drejtori i spitalit të Krumës Shaban Peka sqaron rastin e infermierit Muhamet Lleshi.
“Infermieri dy ditë përpara se të merrte dozën e dytë u helmua dhe është në ndjekur nga mjekët e spitalit pasi u përmirësua shkoi në Shkodër dhe bëri dozën e dytë.
Sapo bëri dozën e dytë, rreth 40 minuta më pas kishte alergji, erdhi nga Shkodra në Has dhe gjendja u rëndua. Më pas iu drejtua spitalit të Gjakovës për ndihmë ku qëndroi dy ditë dhe tashmë po trajtohet në shtëpi” u shpreh drejtori.
Aktualisht gjendja e infermierit Muhamet Lleshi është e mirë dhe po trajtohet në shtëpi.
