Trajneri ynë nuk e arriti dot stolin e Italisë, pasi Antonio Konten do ta zëvendësojë një tjetër ish i Torinos… “profesori”
Xhani De Biazi duhet të vazhdojë të mendojë seriozisht për Shqipërinë, arritjen më të madhe të karierës së tij, pasi nuk do të jetë trajneri i Kombëtares së Italisë. Për të zëvendësuar Antonio Konten është vendosur Xhanpiero Ventura. Ashtu si trajneri ynë dikur edhe Ventura ka drejtuar Torinon, por këtë të fundit në vendin e tij e thërrasin me nofkën “profesori”. Në fakt edhe De Biazi ishte afër, si kurrë ndonjëherë më parë dhe u mundua të lobonte për të bërë realitet një ëndërr të jashtëzakonshme, por thuhet se në fund ka ndikuar fjala e Marçelo Lipit, Drejtorit Teknik të skuadrës “axurre”, i cili fillimisht u deklarua me superlativa për De Biazin, por më pas ndikoi për të sjellë Venturën. Ndërkohë pritet që ndihmës i këtij të fundit të jetë Fabio Kanavaro.
