Shtetet fqinje të Italisë dhe Greqisë ndodhen në një gjendje shumë të rënduar shëndetësore, pasi Covid-19 ka “pushtuar” spitalet dhe po ngushton kapacitetet.
Gjatë 24 orëve të fundit në Itali janë regjistruar mbi 37 mijë rste pozitive duke e çuar në mbi 1.3 mln shifrën totale.
Nga ana tjetër pavarësisht përpjekjes së mjekëve kanë humbur jetën 699 qytetarë, duke e çuar në 48.569 numrin e përgjithshëm të viktimave që nga fillimi pandemisë.
Edhe Greqia ka shënuar shifra të larta duke e krahasuar me kurbën e mëparshme. Në 24 orë janë regjistruar 2551 raste pozitive dhe 72 viktima. Ndërkohë në gjendje të rënduar janë mbi 500 pacientë.
