Shifrat e larta të infektimeve me COVID-19 në vend kanë çuar në rritje edhe të shtrimeve në spitale. Aktualisht, në të tre spitalet “COVID” rezultojnë të shtruar 360 pacientë, çka do të thotë që sipas shifrave të vetë ministrisë, mbeten të lirë edhe 190 shtretër.
Por, duke parë ritmet e shtrimeve, ku vetëm gjatë javës së fundit ka patur rreth 80 shtrime, rreziku është që brenda një muaji shifra prej 550 shtretërish të ezaurohet.
E pyetur lidhur me këtë fakt, në emisionin “Opinion” Ministrja e Shëndetësisë Ogerta Manastirliu tha: “Ne jemi përgatitur për të patur edhe 1600 të shtruar, duke përfshirë edhe spitalet rajonale. Ka shtretër të lirë në spitalin COVID 3, në Infektiv ka hyrje dhe dalje”.
/Emisioni Opinion/
