Menjëherë pasi Pfizer ndezi një valë optimizmi në të gjithë botën duke thënë se vaksina kundër koronavirusit është 90% efektive, Rusia doli me një deklaratë duke thënë gjithashtu se edhe vaksina e tyre është 90% efektive.
Por për të mos u tejkaluar, Ministria e Shëndetësisë e Rusisë pretendoi se produkti i saj ishte po aq efektiv, duke cituar të dhëna të mbledhura nga vaksinimet e publikut.
“Ne jemi përgjegjës për monitorimin e efektivitetit të vaksinës Sputnik V midis qytetarëve që e kanë marrë atë si pjesë e programit të vaksinimit masiv. Bazuar në vëzhgimet tona, është gjithashtu më shumë se 90 përqind. Shfaqja e një vaksine tjetër efektive, ky është një lajm i mirë për të gjithë”, tha Oksana Drapkina, kreu i një instituti zyrtar të kërkimit.
Tregjet e aksioneve reaguan pozitivisht ndaj lajmeve të sotme ndërsa presidenti i zgjedhur amerikan Joe Biden dhe paraardhësi i tij Donald Trump, e kanë mirëpritur përparimin e vaksinës kundër koronavirusit.
Pfizer planifikon të vazhdojë studimin e saj derisa të regjistrojë 164 infeksione midis të gjithë vullnetarëve, një numër që rregullatorët amerikanë kanë rënë dakord se është i mjaftueshëm për të treguar se sa mirë po funksionon vaksina.
