Gjatë gjithë kësaj kohe, tek merresha me punë të tjera pak më ndryshe se vendosje e ftereve në zjarr, Rozmarina u kthye në një blog, të cilin ngado që ta ktheje do gjeje nga një krostatë. Pastiçerja e mirënjohur e Fushës së Myzeqesë, Iva Tiço i bën krostatat nga me krem në me krem dhe pastaj prapë me krem, kurse fotot me pecetat shumëngjyrëshe rrëfejnë që në kohë më të vjetra atë do ta kishim mjeshtre tek Foto “Skënderbeu”.
Prandaj, rikthimi im në blog tek unë mori përmasën e një “hakmarrjeje”, e cila niset nga prania në Frontin antinazifashist e gjyshërve të mi në Luftën e Dytë Botërore.
Teksa, ata të gjorët e luftonin gjermanin duke u fshehur gërxheve nëpër male, Iva Tiço na e lufton duke i gatuar krostatë.
Prandaj, duke parë Bayern dhe Herta e Berlinit ju futa punës dhe bëra këtë tortë të thjeshtë, e cila u përpi nga hamësit, me të cilët më ka rënë për hise të ndaj çatinë.
Për recetën e plotë kliko këtu.
