Situata vijon të jetë e rënduar në Greqi nga pandemia e koronavirusit.
Gjatë ditës së fundit e kanë humbur jetën 5 persona nga Covid-19.
Autoritetet greke bëjnë me dije se gjatë ditës së fundit janë shënuar 241 raste të reja, prej të cilave 31 janë identifikuar në pikat doganore.
39 pacientë ndodhen në intubim dhe mosha e tyre mesatare është 68 vjeç. 10 janë gra dhe pjesa tjetër janë burra.
Rekord me të infektuar mban qyteti i Atikës me plot 118 raste gjatë 24 orëve të fundit, Selaniku me 12 raste, 5 në Etoloakarnania, 9 raste në Heraklion dhe në disa qytete të tjera.
Ditën e djeshme 2 persona e humbën jetën nga kornavirusi, ndërsa u shënuan 233 raste të reja.
Kujtojmë që deri më tani në Greqi 278 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 10.998.
