Gjatë një aksioni në Prishtinë, policia ka kontrolluar dy shtëpi që dyshohej se mbaheshin njerëz për t’u trafikuar dhe aty ka gjetur 26 persona, mes tyre 13 fëmijë shqiptarë.
Në këtë aksion është arrestuar edhe 21 vjeçari me iniciale M.S., i cili bashkëjetonte me një 13 vjeçare nga Greqia.
“Policia e Kosovës, gjegjësisht: Sektori Qendror për Hetimin e Trafikimit me Qenie Njerëzore dhe Drejtoria për Migrim dhe të Huaj, të përkrahur nga zyrtarë të Qendrës për Punë Sociale-Prishtinë, më 18.08.2020, me urdhër të gjykatës kanë kontrolluar dy lokacioneve (shtëpi) në Prishtinë, me qëllim të verifikimit të informacioneve se në ato shtëpi qëndrojnë disa shtetas të huaj, të cilët mund të ishin viktima potenciale të trafikimit me qenie njerëzore. Policia, në ato dy lokacione ka hasur në 26 (njëzet e gjashtë) persona, prej tyre 13 fëmijë, të cilët ishin kryesisht në lidhje familjare dhe vinin nga Shqipëria”, thuhet në deklaratën e policisë.
