Forcat të Ndërhyrjes së Shpejtë kanë mësyrë mesditën e sotme ambientet e Ora News dhe RTV Ora.
Si të mos mjaftonte i nxehti i kësaj vere, punonjësit e dy televizioneve u desh të përballeshin me policë me maska dhe të armatosur, të cilët mbajnë të rrethuar televizionet.
FNSH zbarkoi pas sekuestrimit nga SPAK të pasurive të presidentit të Yldon Media Group, Ylli Ndroqi dhe familjarëve të tij.
Mes pasurive të sekuestruara janë dhe kuotat aksioneve të shoqërisë ″ORA″ sh.a.
Brenda 5 ditëve presidenti i Yldon Media Group, Ylli Ndroqi do të ankimojë vendimin Gjykatës së Posaçme të Shkallës së Parë për Korrupsionin dhe Krimin e Organizuar.
Në një prononcim për median, mesditën e sotme avokatët e zotit Ndroqi shprehen të bindur se në shkallat më të larta gjyqësore do të vërtetohet që pasuria e zotit Ndroqi është vënë në mënyrë ligjore dhe jo siç pretendon SPAK.
Një nismë e tillë merret në kohën kur presidenti i Yldon Media Group ndodhet në një gjyq me kryetarin e bashkisë Erion Veliaj.
Avokatët e quajnë presion politik vendosjen e sekuestros dhe mohojnë që zoti Ndroqi është shoqëruar në polici pasi ndaj tij nuk ka asnjë urdhër arrest.
